Mánudagur, jákvæðni, bros og gott líf!

 

Ég ætla ekki að skrifa langt bréf að þessu sinni.......

 

Langar bara til að minna ykkur á að hugsa vel og fallega til ykkar sjálfra og um ykkur sjálfar. Þið eruð einstakar perlur og þið þurfið að fá að glansa og njóta ykkar.

Lífið er ákaflega mikilvægt og það er frábært að vera á lífi. Standa frammi fyrir því að geta valið fyrir sig sjálfa, valið það besta mögulega fyrir eigið líf. Lífið er val, endalaust val. Við veljum fyrir okkur sjálfar það sem er best fyrir okkur. Við vitum oftast upp á hár hvað er best fyrir okkur og hvað við þurfum að gera til að okkur líði vel. GERUM ÞAÐ. Eyðum lífinu í dásemd og hamingju.

Það er hægt og það er - vitið þið - algjör snilld!

Eftir því sem okkur líður betur með okkur sjálfar, þeim mun betur erum við í stakk búnar til að takast á við það sem hver dagur ber í skauti sér. Við eigum betri möguleika á því að sýna væntumþykju og ást, hugsa um aðra og gefa af okkur. Það eru margir í okkar lífi sem þurfa á okkur að halda því við erum svo æðislegar!

Við erum hér í þessari tilvist - allar fallegar og yndislegar, hver með sínu nefi. Dásamlegt þegar maður kemst á þann stað í lífinu að njóta þess.

Upp með brosið, upp með jákvæðnina, upp með lífið, upp með tilveruna, upp með okkur sjálfar!!! 

 

Vertu besti vinur þinn!

 

Með ást og virðingu

Berglind

Athugasemdir

[Berglind (IP-tala skráð) 15.3.2010 kl. 17:30]

Sæl nafna,

Var að googla jákvæðni og bros og linkurinn þinn var efstur - frábær texti og svo sannarlega yndisleg skilaboð.  Vonandi nær hann til sem flestra svona í byrjun á frábæri viku -

kveðja

Berglind

[Linda (IP-tala skráð) 15.3.2010 kl. 19:11]

Bara yndislegt að lesa þetta svona í byrjun á vikunni eygðu góða viku  :)

[Berglind (IP-tala skráð) 18.3.2010 kl. 07:50]

Takk fyrir að lesa bloggið :) og takk fyrir hlý orð :)

Lúv,

Berglind