Já - mikið er þetta yndislegt

Í gær var fyrsti fundurinn hjá Sjálfshjálparhóp Rósanna. Alltaf svolítið skrýtið að byrja svona starf :) En þetta var mjög gott, við náðum vel saman og allir gátu tjáð sig. Næsti fundur verður eftir tvær vikur :) í Guðríðarkirkju í Grafarholti.

Það er merkilegt að horfa yfir svona hóp eins og okkar. Þar sem svona mikil eining hefur náðst. Við erum svo ólíkar, höfum ólíkan bakgrunn, en samt deilum við á margan hátt líkri reynslu. Glímum við sömu atriðin. Sem betur fer eru sumar okkar sem glímum við minna en hinar. Allar erum við til staðar fyrir hverja aðra. Þetta er gríðarlegur styrkur.

Hver ein og einasta var sammála um hve hópurinn væri góður, hve gott það væri að koma í tímann, finna samkenndina, finna þarna góðu straumana, finna vináttuna, þarna er alltaf brosað, þarna þekkjumst við. Þarna er okkar húmor. Við myndum okkar gleði og okkar jákvæðni.

Að vera þarna fyrir okkur sjálfar - við erum þarna eins og við erum. Engin er að spá í það hvernig hin er. Þarna erum við frjálsar til að vera við sjálfar. Njótum þess að hreyfa okkur, svitna og taka á. Gerum æfingarnar eins og við sjálfar getum - ekki í neinni keppni við hina.

Komum kannski í tíma pirraðar en förum úr tíma glaðar.

Stöðin er með þetta frábæra andrúmsloft sem er svo gott. Að hittast alltaf aðeins fyrir hvern tíma og spjalla um daginn og veginn, hlæja, grínast, segja frá einhverju, deila uppskriftum, tala um handavinnu, spjalla aðeins meira eftir tímann. Geta varla beðið eftir næsta tíma. Lítil stöð, notalegt umhverfi, æðislegur andi ríkjandi.

Engin pressa á vigtina. Engin pressa á hopp og högg. Engin pressa á flókin spor. Bara byggt á annarri og góðri fjölbreytni.

9. október ætlum við að hafa diskóþema í tímanum okkar :) Mæta í einhverju diskótengdu - æfa okkur við diskótónlist - fara svo í pottinn og tjilla :)

Nú í byrjun október fer svo matarklúbburinn okkar af stað :)

Vitið þið - þetta er yndislegur félagsskapur - frábærlega uppbyggjandi - frábærlega gefandi

Og vitið þið annað - ég fæ að leiða þetta allt saman :) Mikið er líf mitt auðugt.

Kærar þakkir

Lúv,

Berglind

Athugasemdir

[Asta (IP-tala skráð) 23.9.2009 kl. 14:16]

já þetta er frábær hópur.. Vildi ég hefði komist í gær:(

Sjáumst samt HRESSAR eins og ALLTAF í dag:)

knús..

Ásta

[Steinunn (IP-tala skráð) 24.9.2009 kl. 13:11]

Já verð að vera samála þessu þetta er svo góður hópur .Alltaf gott að koma..steinunn